TLHAKO YA PHETOLO YEO E KOPANTŠWEGO YA PUŠOSELEGAE GO HIV LE AIDS
Ka lebaka la eng tlhako?
Tlhako ye e tšweleditšwe pele ke Kgoro ya Pušo ya Profense le Pušoselegae go fa tlhahlo go bommasepala le batšeakarolo ba bangwe gore ba fetole bjang tlhabollo le khuetšo ya mokgwa wa go laola HIV le AIDS mo go maemo a selegae. Go na le dikgokanyo tšeo di lego kgauswi magareng ga phatlalatšo ya HIV le maemo ao a sego a hlabollwa, bodiidi, le letseno/moputso le go se lekane ga bong. Ka go swana, dikhuetšo tša maphelo le ekonomi ya leago tša HIV le AIDS di oketšwa ke kamano ya bodiidi le go hlokišwa. HIV le AIDS di na le ditlamorago tše kgolo tša mokgwa wa taolo ka gare dibopego tša politiki le taolo ya bommasepala le gona di ka ama ka mokgwa wo o sa lokago bokgoni bja bommasepala go taba taolelo ya bona ya go tliša ditirelo tša motheo tše bjalo ka meetse, tlhwekišo, mohlagase, dintlo bj. bj ka mokgwa wa go ya go ile.
Tlhako e hlatholla taolelo ya pušoselegae mabapi le HIV le AIDS le go:
tšweletša pholisi ya motheo le ditho tša lenaneo tša phetolo yeo e kopantšwego le gona e le ka botlalo ya pušoselegae go HIV le AIDS
tšweletša mešomo yeo e itšeng ya lefapha le lengwe le le lengwe, ka gare ga maemo /mahlakori ka moka a mararo a mmušo, ao o ka e bapalago ka go thekga diphetolo tšeo di kopantšwego tša selegae go HIV le AIDS
thalathala lenaneo thekgo la bosetšhaba go thuša dimmasepala ka go itlwaetša le go phethagatša Tlhako ka mo go dikamano tša selegae tša tšona.
Go diragatša Tlhakamolao: Bona gore dimmasepala ka moka di a kwišiša e bile di phetha ditshwanelo tša tšona tša semolao le tša molaotheo mabapi le HIV le AIDS le go phethagatša diphetolo tša mokgwa wa go laola wa maleba le tšwelopele/tlhabollo
Phihlelelo ya go Lekana: Tšwetšapele mo gohle phatlalatšo ya ditirelo le go ba gona ga dintlo tše di lekanego le tlhwekišo, poloko ya dijo, meetse ao a bolokegileng le gona a sa turwe le phepo ya maatla/mohlagase(power supply), ditsela le thwalo ya dithoto yeo e lokileng(good roads and transportation)
Tekatekano: Bona gore phatlalatšo ya ditirelo ka go lekana ga e kgetholle magareng ga batho bao ba fetetšego goba ba amilego ke HIV le bao e sego ba ama ke HIV le AIDS
Go kgona go itlwaetša seemo se se mpsha(Flexibility): Amogela tsela ye e fapanego yeo e laetšago maemo a bjalo a go araba/phetolo(response), ao a dulago/agwago godimo ga maatla le ditseno ka gare tšeo di dirilwego go fihlelela dinyakwa tša selegae.
Mokgwa wa koketšo/kgodišo(Incrementalism): Go thoma/thakgola thekgo ka mokgwa wa go tšwela pele go ya le nako
Go bopa bokgoni le boetapele: Go tšwetšapele le go hlabolla mabokgoni/go kgona ao a lebanego(appropriate competencies) magareng ga batšeakarolo ka moka go ka rwala maikarabelo a bona a go fetola tlhohlo ya HIV le AIDS.
Ditirišano: Go nolofatša ditherišano le poledišano ka botlalo le bakgathatema, o hlohleletša tšwelopele yeo e otlelago ke tirišano ka go lokišetša le phethagatšo le mahlakori ka moka a mmušo, setšhaba, lefapha la praebete le mekgatlo ya tlhabollo
Tsela yeo e ithekgilego ka Ditokelo tša Botho: Go tšwetšapele tšhireletšo ya ditokelo tša botho le serithi/tlotlego ya batho bao ba amilego le go fetela ke HIV.
Ke mang a swanetšego ke go šomiša Tlhako?
Tlhako e phegeletšwe bjalo ka sedirišwa sa bakhansele le bahlankedi ka moka mo go dimmasepala, batšeakarolo ba bangwe ka go mafapha ka moka bao ba šomišanago le go thekga pušoselegae, go akaretša dikgoro tša mmušo wa profense le wa bosetšhaba, Mokgatlo wa Pušoselegae wa Afrika Borwa, SACN, mekgatlo ya setšhaba le mekgatlo ya go thuša ka tšhelete.
Phethagatšo ya tlhako ye e nyaka tsela yeo e lebeletšego tirišano go tšwelopele ya tokišetšo le phethagatšo. Badirišani ba ka moso ba akaretša dikgoro tša bosetšhaba le tša profense, lefapha la praebete, dihlopha tša kgahlego, NGOs, CBOs, FBOs, PLWHAs, baetapele ba setšo, dikhamphani tša mmušo(parastatals), mekgatlo ya dinyakišišo.
Ye nngwe ya mešomo ya dimmasepala tša Dilete le tša Selegae
Mešomo ya mmasepala mo go phethagatšo ya diphetolo go HIV le AIDS e katologa go tloga go ya go ba modiri, mokgontšhi/molebeledi, mokopanyi/monolofatši le mokgokaganyi.
Tlhako gape e bontšha gore dimmasepala di ka iša ditseno godimo ka go nolofatša mešomo ya dikgoro tše dingwe mo phetolong ya bolwetši bjo bo bolayago.
Re mema dikgoro tša mmušo, setšhaba, ditšhaba tšeo di thušago ka tšhelete, le bakgathatema ba bangwe ba ka moso go ikopanya le dplg ka go dirišana le dimmasepala go fokotša boima(impact) bja HIV le AIDS mo go maemo a selegae.
Tshedimošo ka botlalo
Go hwetša kopi ya Tlhako, goba tshedimošo ka botlalo, ikgokaganye le:
Bolaodi bja Tekatekano le Tlhabollo, dplg
Mogala: 012 336 5622
